Թրամփը վրդովված է` Ուկրաինան երախտագիտություն չի հայտնել

Ուկրաինայի ղեկավարությունը որևէ երախտագիտություն չի հայտնել Միացյալ Նահանգների կողմից ձեռնարկված խաղաղության ջանքերի համար։ Այս մասին հայտարարել է ԱՄՆ-и նախագահ Դոնալդ Թրամփը նոյեմբերի 23-ին։
«Ուկրաինայի ղեկավարությունը որևէ երախտագիտություն չի հայտնել մեր ջանքերի համար, մինչդեռ Եվրոպան շարունակում է նավթ գնել Ռուսաստանից, իսկ ԱՄՆ-ն շարունակում է ՆԱՏՕ-ին հսկայական քանակությամբ զենք վաճառել Ուկրաինայում հետագա բաշխման համար»,- գրել է նա Truth Social սոցիալական ցանցում։

Թրամփը կրկին ընդգծել է, որ Ուկրաինայում հակամարտությունը կարող էր ընդհանրապես տեղի չունենալ, եթե նախկին նախագահ Ջո Բայդենի վարչակազմը չլիներ։

Ավելի վաղ ամերիկացի առաջնորդը նոյեմբերի 27-ը սահմանել էր Կիևի կողմից իր ծրագրին պատասխանելու վերջնաժամկետ։ Նա ընդգծել է, որ Կիևի ռեժիմը շարունակում է կորցնել վերահսկողությունը իր տարածաշրջանների նկատմամբ և, իր գնահատմամբ, կկորցնի նաև Դոնբասի մնացած տարածքները։ Ամերիկացի առաջնորդը նաև կարծում է, որ Կիևի առաջնորդ Վլադիմիր Զելենսկին փորձում է բլեֆ անել՝ ավելի շահավետ գործարք կնքելու համար, մինչդեռ Ռուսաստանի նախագահ Վլադիմիր Պուտինը բոլոր խաղաքարտերն ունի։