ԱԷՄԳ-ի բանաձևը կոչ է անում Իրանին բացահայտել հարստացված ուրանի պաշարների ծավալը

ԱԷՄԳ-ի կառավարիչների խորհուրդը բանաձև է ընդունել, որով կոչ է անում Իրանին ընդլայնել համագործակցությունը գործակալության հետ և տեղեկատվություն տրամադրել հարստացված ուրանի պաշարների վերաբերյալ, հաղորդում է AP-ն։

Բանաձևը կոչ է անում Իրանին անհապաղ ընդլայնել համապարփակ համագործակցությունը, գործակալության տեսուչներին տրամադրել ճշգրիտ տեղեկատվություն ուրանի պաշարների վերաբերյալ, որոնք հարստացված են մինչև զենքի համար նախատեսված մակարդակի, և հասանելիություն ապահովել երկրի միջուկային օբյեկտներին։

AP-ի աղբյուրները հայտնում են, որ փակ քվեարկությամբ 35 երկրներից 19-ը քվեարկել են բանաձևի օգտին։ Ռուսաստանը, Չինաստանը և Նիգերը քվեարկել են դեմ, 12 երկիր ձեռնպահ է մնացել, իսկ մեկ երկիր չի քվեարկել։

Բանաձևը ներկայացրել են Ֆրանսիան, Մեծ Բրիտանիան, Գերմանիան և Միացյալ Նահանգները։