«Թուրքիան աջակցում է Ստամբուլում Ուկրաինայի հարցով բանակցությունների շարունակմանը»․ Էրդողան

Թուրքիան աջակցում է Ստամբուլում Ուկրաինայի հարցի կարգավորման շուրջ ուղիղ բանակցությունների շարունակմանը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Անկարայում՝ Ուկրաինայի նախագահ Վոլոդիմիր Զելենսկիի հետ հանդիպումից հետո։

«Մենք ակնկալում ենք, որ Ստամբուլյան բանակցությունները կշարունակվեն պրագմատիկ և արդյունքին միտված հիմունքներով։ Կարծում ենք, որ դրանք կարևոր հիմք են հանդիսանում հակամարտության խաղաղ կարգավորման համար», - ասել Է Էրդողանը ։

Նա նշել է, որ Անկարան ակնկալում է իր բոլոր գործընկերներից, որոնք ցանկանում են դադարեցնել արյունահեղությունը տարածաշրջանում, կառուցողական մոտեցում ցուցաբերել «Ստամբուլյան գործընթացի» առաջմղման համար: