Ուկրաինան չի մասնակցել խաղաղության ծրագրի` ԱՄՆ-ի և Ռուսաստանի միջև քննարկումներին. #Reuters

Վերջերս Ուկրաինան Միացյալ Նահանգներից մի քանի «ազդանշաններ» է ստացել Ռուսաստանի հետ պատերազմը դադարեցնելու հնարավոր առաջարկների վերաբերյալ, սակայն չի մասնակցել խաղաղության ծրագրի կոնկրետ մանրամասների քննարկումներին, հաղորդում է Reuters-ը՝ հղում անելով Կիևի աղբյուրին։

Անանուն մնալու պայմանով ուկրաինացի բարձրաստիճան պաշտոնյան գործակալությանը հայտնել է, որ Կիևը «ազդանշաններ» է ստացել պատերազմը դադարեցնելու՝ ԱՄՆ-ի մի քանի առաջարկների վերաբերյալ, որոնք Վաշինգթոնը քննարկել է Մոսկվայի հետ։ Սակայն Reuters-ը պնդում է, որ Ուկրաինան չի մասնակցել այդ առաջարկների քննարկումներին։

Politico-ն՝ հղում անելով Սպիտակ տան բարձրաստիճան պաշտոնյայի, հաղորդում է, որ պատերազմի լուծման շրջանակային համաձայնագիրը կարող է համաձայնեցվել բոլոր կողմերի կողմից արդեն այս շաբաթ։ Աղբյուրը նշում է, որ Ուկրաինան և եվրոպական երկրները չեն մասնակցում համաձայնագրի պարամետրերի մշակմանը։

Պաշտոնյայի խոսքով՝ Սպիտակ տունը «պատրաստվում է ներկայացնել խաղաղության խոշոր համաձայնագիր»։ «Այն, ինչ մենք պատրաստվում ենք ներկայացնել, ողջամիտ է», - հավելում է նա։