Cloudflare-ը պարզաբանել է խոշոր խափանման պատճառը

Ամերիկյան Cloudflare ամպային ծառայության խոշոր խափանման պատճառը վտանգավոր թրաֆիքը կառավարելու համար ավտոմատ կերպով ստեղծված կոնֆիգուրացիայի ֆայլն էր, «Կոմերսանտին» հայտնել են ծառայության մամուլի ծառայությունից։

Խափանումը տեղի է ունեցել, քանի որ կոնֆիգուրացիայի ֆայլը գերազանցել է սպասվող չափը, ինչը հանգեցրել է Cloudflare-ի մի քանի ծառայությունների թրաֆիքը մշակող ծրագրային ապահովման անսարքության, հայտնել է մամուլի ծառայությունը։

«Պարզաբանենք՝ չկան ապացույցներ, որ սա հարձակման արդյունք է կամ չարամիտ գործունեության պատճառ», - հայտարարել է Cloudflare-ը՝ նշելով, որ որոշ ծառայություններ, հավանաբար, կարճաժամկետ խափանումներ կունենան միջադեպից հետո թրաֆիքի բնական աճի պատճառով։

Cloudflare-ն ակնկալում է, որ բոլոր ծառայությունները մի քանի ժամվա ընթացքում կվերադառնան բնականոն աշխատանքի։