«Քաղաքական քինախնդրության պատճառով ընկանք պարտքի տակ»․ Դավիթ Ղազինյան

«Բա ի՞նչ եղավ ՀԷՑ-ի ազգայնացումը»,- լրագրողների հետ ճեպազրույցի ժամանակ ասաց ՀԷՑ նախկին տօրեն Դավիթ Ղազինյանը։ «Ի սկզբանե ի՞նչ էր ասվում իրենց քաղաքական ղեկավարի շուրթերով՝ ազգայնացնելու ենք։ Մեր հայրենակիցները պետք է հասկանան, որ դա հերթական սուտն էր... Ի՞նչ է կատարվելու. առաջարկ են անելու, սեփականատիրոջ համաձայնելու դեպքում գործարքը կատարվելու է, չհամաձայնելու դեպքում՝ աշխատելու է գերակա շահի վերաբերյալ օրենքը: Դա ենթադրում է միջազգային անկախ գնահատող՝ գումարած 15 տոկոս, որը վճարվելու է սեփականատիրոջը: Ինչպես ասել էի՝ մի քանի հարյուր միլիոն դոլար մենք՝ հայ ժողովուրդը, վճարելու է վարկերը, մի քանի հարյուր միլիոն դոլար էլ մեր գրպանից վճարելու ենք սեփականատիրոջը, այսինքն՝ մի քաղաքական քինախնդրության պատճառով ընկանք պարտքի տակ»,- հավելեց ՀԷՑ նախկին տնօրենը։