Երևան`   -3 °C
Այսօր`   Հինգշաբթի, 08 հունվարի, 2026 թ.

Նոր նախագծով ԱՄՆ-ն 500% սակագներ կսահմանել այն երկրների նկատմամբ, որոնք գնում են ռուսական նավթ, գազ, ուրան և այլն

910
Երեքշաբթի, 18 նոյեմբերի, 2025 թ., 00:22
Նոր նախագծով ԱՄՆ-ն 500% սակագներ կսահմանել այն երկրների նկատմամբ, որոնք գնում են ռուսական նավթ, գազ, ուրան և այլն

ԱՄՆ-ի Քոնգրեսը, ստանալով նախագահ Դոնալդ Թրամփի հավանությունը, սկսում է Ռուսաստանի դեմ լրացուցիչ պատժամիջոցներ սահմանող օրինագծի վրա աշխատանքը։

Հանրապետական ​​սենատոր Լինդսի Գրեհեմը գրել է այս մասին սոցիալական ցանցերում։

«Ես շատ ուրախ եմ, որ Քոնգրեսը, նախագահ Թրամփի աջակցությամբ, կաշխատի Ռուսաստանի դեմ պատժամիջոցների օրինագծի վրա, որն ունի երկկուսակցական ճնշող աջակցություն»,- գրել է նա։

Գրեհեմը նշել է, որ այս օրինագիծը, եթե հաստատվի, թույլ կտա Սպիտակ տանը կիրառել «երկրորդական պատժամիջոցներ և սակագներ այն երկրների նկատմամբ, որոնք շարունակում են գնել էժան ռուսական նավթ և գազ»։

Նախկինում Թրամփը հայտարարել էր, որ աջակցում է ԱՄՆ-ի Քոնգրեսի անդամների կողմից առաջարկվող օրինագծին, որը պատժամիջոցներ կկիրառի Ռուսաստանի հետ համագործակցող երկրների նկատմամբ։

Լինդսի Գրեհեմը պատրաստել է Ռուսաստանի դեմ առաջնային և երկրորդային պատժամիջոցներ սահմանող օրինագիծ։ Մասնավորապես, օրինագիծը առաջարկում է 500% սակագներ սահմանել այն երկրների նկատմամբ, որոնք գնում են ռուսական նավթ, գազ, ուրան և այլ ապրանքներ։