Փարիզի կենտրոնում փորձել են կողոպտել Chanel-ի խանութը

Մի քանի զինված տղամարդիկ փորձել են կողոպտել Փարիզի կենտրոնում գտնվող Chanel խանութը։ «Ռիա Նովոստի»-ի փոխանցամբ՝ այս մասին հայտնել է Parisien թերթը՝ հղում անելով ոստիկանության աղբյուրին։
«Շաբաթ առավոտյան չորս տղամարդ փորձել են թալանել Փարիզի Մոնտեն պողոտայում գտնվող Chanel խանութը… Նրանք զինված էին ատրճանակներով, իսկ նրանցից ոմանք ոստիկանական թևկապներ էին կրում»,- ասվում է հոդվածում։
Հանցագործները փորձել են սկուտերներով ներխուժել խանութի մուտքից ներս, սակայն ապարդյուն։ Անվտանգության աշխատակիցը նրանց մուտքն արգելափակել է՝ իջեցնելով պաշտպանիչ ճաղավանդակը և ստիպելով հարձակվողներին հրաժարվել իրենց ծրագրից և փախչել։