Արգելվել է լրագրող Դմիտրի Սելեզնյովի մուտքը Հայաստան

Երևանի օդանավակայանում արգելել են WarGonzo նախագծի լրագրող Դմիտրի Սելեզնյովի մուտքը Հայաստան: Այս մասին հայտնել է WarGonzo տելեգրամյան ալիքը։

«Նա ընտանիքի հետ մեկնել էր Հայաստան՝ արձակուրդի: Մանրամասները պարզաբանվում են, և մեր թղթակիցը սպասում է հետադարձ չվերթին և հայկական հատուկ ծառայությունների որոշումը հիմնավորող փաստաթղթերին:

Դմիտրին մի քանի անգամ այցելել է Լեռնային Ղարաբաղ, 2020 թվականի պատերազմի ժամանակ աշխատել է որպես ռազմական թղթակից և պարբերաբար այցելել է Հայաստան՝ քաղաքական զարգացումները լուսաբանելու համար:

Երկար ժամանակ անց սա առաջին դեպքն է, երբ հայտնի ռուս լրագրողին թույլ չի տրվել մուտք գործել Հայաստան, և դա, անշուշտ, կարելի է համարել Ռուսաստանի նկատմամբ անբարյացակամ քայլ»,- նշվում է հաղորդագրության մեջ: