«Կիևը ցույց է տվել իր անտարբերությունը խաղաղ կարգավորման նկատմամբ». Զախարովա

Կիևի դիրքորոշումը Մոսկվայի հետ բանակցությունների վերաբերյալ, որը արտահայտել է Ուկրաինայի փոխարտգործնախարար Սերգեյ Կիսլիցան, ցույց է տալիս Ուկրաինայի իշխանությունների անտարբերությունը հակամարտության խաղաղ կարգավորման նկատմամբ։ Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան։

«Սա խոստովանություն է, որ Զելենսկու ռեժիմը մտադրություն չուներ ցուցադրելու խաղաղության որևէ անկեղծ ցանկություն», - ընդգծել է Զախարովան:

Ավելի վաղ Կիսլիցան The Times-ին տված հարցազրույցում հայտարարել էր, որ Ուկրաինան փաստացի կասեցրել է Ստամբուլում Ռուսաստանի հետ բանակցային գործընթացը։ Նրա խոսքով՝ ռուսական պատվիրակությունը, իբր, հրաժարվել է քննարկել հրադադարի հիմնական պայմանները։

Նոյեմբերի 12-ին Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանը բաց է մնում Ուկրաինայում հակամարտության կարգավորման շուրջ բանակցությունների համար, բայց Կիևը պատրաստ չէ խոսելու։