«Լիահույս եմ՝ 2026-ին դահլիճի այս հատվածը կփոփոխվի». Արթուր Խաչատրյան

«Հիշո՞ւմ եք՝ 2017-ին պատահաբար հանդիպեցինք Հրապարակի վրա, «Ելք» դաշինքի ձեր տնտեսական ծրագրից էինք խոսում, դուք 2017-ին առաջարկում էիք համընդհանուր բազային եկամուտի գաղափար: Լիահույս եմ՝ 2026-ին դահլիճի այս հատվածը կփոփոխվի, դրա համար հիմա եմ այս հարցը տալիս՝ վերջիվերջո ձեր խոստումը ե՞րբ եք իրականացնելու»,- Բյուջե 2026-ի նախագծի քննարկման ժամանակ, դիմելով ՀՀ ֆինանսների նախարար Վահե Հովհաննիսյանին, հարցրեց «Հայաստան» խմբակցության պատգամավոր Արթուր Խաչատրյանը: Նախարարն ասաց՝ գաղափարը կար, դրա ջատագովն է. «Կոմպլեքս բարեփոխում է, շատ ռադիկալ: Մենք ունենք վերլուծական թիմ, ով մտածում է այս ուղղությամբ՝ ինչպես դրան հասնել: Էս փուլում գիտական մտավարժանք է, որպեսզի կարողանանք հասկանալ՝ ինչպես ենք էդպիսի գաղափարը ներդնելու ՀՀ-ում»: