Բելգիայում Թրամփի անունով քաղաքական կուսակցություն է ստեղծվել. #Politico

Բելգիայում հիմնվել է TRUMP աջակողմյան քաղաքական կուսակցություն, որն անվանվել է ԱՄՆ-ի նախագահ Դոնալդ Թրամփի պատվին: Այս մասին հայտնում է Politico-ն։ Կուսակցության անվանումը՝ TRUMP, ձևավորվել է ֆրանսերեն Tous Réunis pour l'Union des Mouvements Populistes արտահայտությունից, ինչը թարգմանաբար նշանակում է «Միավորված ենք պոպուլիստական շարժումների միության համար»։

«Դոնալդ Թրամփը պոպուլիզմի բացարձակ խորհրդանիշ է։ Նա մարմնավորում է այն ամենը, ինչի համար մենք պայքարում ենք»,- ասել է կուսակցության հիմնադիր Սալվատորե Նիկոտրան։ Նա բացատրել է, որ TRUMP-ը «աջակողմյան ժողովրդական կուսակցություն է՝ սոցիալական ուղղվածությամբ»։