ԱՄՆ Սենատը մերժել է դեմոկրատների՝ Վենեսուելային հարվածներն արգելող բանաձևը

ԱՄՆ Սենատը մերժել է բանաձևը, որը կզրկեր նախագահ Դոնալդ Թրամփին Վենեսուելայի դեմ առանց Քոնգրեսի հավանության ռազմական ուժ կիրառելու իրավունքից։ Հանրապետականներն արգելափակել են դեմոկրատների նախաձեռնությունը՝ 51-49 ձայների հարաբերակցությամբ, հաղորդում է Reuters-ը։

Որոշումն ընդունվել է այն հայտարարությունների ֆոնին, որոնք ԱՄՆ վարչակազմի ներկայացուցիչներն արել էին նախօրեին՝ նշելով, որ Վաշինգթոնը ներկայումս չի նախատեսում ռազմական հարվածներ հասցնել Վենեսուելայի տարածքին։

Գործակալության տվյալներով՝ Սենատի հանրապետականների ճնշող մեծամասնությունն աջակցություն է հայտնել Թրամփի Կարիբյան ավազանում ռազմական արշավին: