ՄԱԿ-ի ԱԽ-ն չեղարկել է Սիրիայի ղեկավարի նկատմամբ սահմանված պատժամիջոցները

ՄԱԿ-ի Անվտանգության խորհուրդը չեղարկել է Սիրիայի նախագահ Ահմեդ ալ-Շարաայի և ՆԳ նախարար Անաս Հասան Խաթթաբի նկատմամբ սահմանված պատժամիջոցները, հաղորդում է Reuters-ը։

Անվտանգության խորհրդի 15 անդամներից 14-ը քվեարկել են Միացյալ Նահանգների կողմից առաջարկված համապատասխան բանաձևի օգտին։ Չինաստանը, որը ՄԱԿ-ի Անվտանգության խորհրդի հինգ մշտական ​​անդամներից մեկն է, ձեռնպահ է մնացել։

Վաշինգթոնը բանաձևի նախագիծը մշակել է ԱՄՆ նախագահ Դոնալդ Թրամփի հետ ալ-Շարաայի հանդիպման նախաշեմին, որը տեղի կունենա նոյեմբերի 10-ին՝ Սպիտակ տանը: