Վոլգոգրադում ԱԹՍ-ի հարձակումից հետո դադարեցվել է նավթավերամշակման գործարանի աշխատանքը

«Լուկոյլ»-ի Վոլգոգրադի նավթավերամշակման գործարանը դադարեցրել է գործունեությունն անօդաչու թռչող սարքի հարձակումից հետո, Reuters-ին հայտնել են երեք աղբյուրներ։
Խոսքը «Լուկոյլ-Վոլգոգրադնեֆտեպերերաբոտկա» ՍՊԸ-ի մասին է:

Վոլգոգրադի մարզի նահանգապետ Անդրեյ Բոչարովը նոյեմբերի 6-ի կեսօրին հայտարարել է, որ նախորդ գիշեր տարածաշրջանի վրա անօդաչու թռչող սարքի զանգվածային հարձակումից հետո «կարևոր ենթակառուցվածքները նորմալ են գործում», սակայն Կրասնոարմեյսկի շրջանի արդյունաբերական գոտում հրդեհ է առաջացել ընկնող բեկորների պատճառով։ «Ընթանում են ականազերծման և հրդեհի վերացման աշխատանքներ»,- հաղորդել է RBC-ն։

Վերջին անգամ նման դեպ, երբ անօդաչու թռչող սարքի հարձակումը հրդեհ է առաջացրել Վոլգոգրադի նավթավերամշակման գործարանում, տեղի է ունեցել օգոստոսին։ Նահանգապետը հայտնել է, որ բեկորներն ընկել են նավթավերամշակման գործարանի տարածքի վրա՝ առաջացնելով նավթի արտահոսք։