«Հայ-թուրքական սահմանը կբացվի, եթե Ալիևը «ոչ» չասի»․ Կարո Փայլան

«Եկող տարվա հունվարին կամ փետրվարին շատ լավ զարգացումներ կարող են լինել»․ այս մասին այսօր լրագրողների հետ զրույցում ասաց Թուրքիայի մեջլիսի նախկին պատգամավոր Կարո Փայլանը՝ խոսելով հայ-թուրքական սահմանի բացման մասին։ «Եթե ամեն ինչ լավ ընթանա, հունվարին պիտի սահմանը բացվի նախ 3-րդ երկրների քաղաքացիների համար, եթե Ալիևը «ոչ» չասի, հետո, հուսամ, մի քանի ամսում նաև Թուրքիայի և Հայաստանի քաղաքացիների համար։ Թրամփի ուղու համար էլ հունվարին զարգացումներ պիտի լինեն, եթե ամեն ինչ միասնաբար առաջ շարժվի»,- նշեց նա։