Ֆրանսիայում տղամարդն ավտոմեքենայով մխրճվել է մարդկանց բազմության մեջ

Ֆրանսիայի հայտնի հանգստավայրում մեքենայի վարորդը մխրճվել է մարդկանց բազմության մեջ։ Այս մասին հայտնում է ֆրանսիական Le Parisien թերթը։

Միջադեպը տեղի է ունեցել նոյեմբերի 5-ի առավոտյան՝ Դոլյու դ'Օլերոն կղզում։ Պարբերականի տվյալներով՝ վարորդը միտումնավոր վրաերթի է ենթարկել հետիոտներին և հեծանվորդներին։ Առնվազն տասը մարդ է տուժել, նրանցից երեքը գտնվում են ծանր վիճակում։ Վարորդին ձերբակալել են, դրդապատճառները պարզվում են։

Նախնական տվյալներով՝ վարորդը բղավել է «Ալլահ Աքբար», երբ մեքենայով մխրճվել է մարդկանց բազմության մեջ: