Զելենսկին` Պոկրովսկում ռուսական բանակի անհաջողության մասին

Մինչև 60 ռուս զինվորական մնում է Խարկովի մարզի Կուպյանսկ քաղաքում, մաքրման գործողություն է ընթանում, լրագրողների հետ հանդիպման ժամանակ հայտարարել է Ուկրաինայի ղեկավար Վլադիմիր Զելենսկին։

«Մենք ամեն ինչ կմաքրենք։ Ժամկետները նշանակված են. դրանք (ամսաթվերը) գտնվում են (գերագույն գլխավոր հրամանատարի) շտաբում։ Այս տեղեկատվությամբ առայժմ չենք կիսվի»,- նշել է Ուկրաինայի ղեկավարը։

Զելենսկին նաև հայտարարել է, որ ռուսական բանակը չի կարողանում հաջողության հասնել Դոնեցկի մարզի Պոկրովսկում։

«Ճակատում բոլոր մարտական ​​գործողությունների մոտ 30%-ը տեղի է ունենում Պոկրովսկում։ Ավելին, Ռուսաստանի կողմից ԿԱԲ-ի օգտագործման 50%-ն ուղղված է Պոկրովսկին։ Ընդհանուր առմամբ, քաղաքում ներկայում կա 260-300 ռուս», - ընդգծել է Ուկրաինայի ղեկավարը։