«Այո՛, մենք եղել ենք Լուսնի վրա»․ ՆԱՍԱ-ն պատասխանել է Քիմ Քարդաշյանին

ՆԱՍԱ-ի տնօրենի պաշտոնակատար Շոն Դաֆին պատասխանել է հեռուստաաստղ Քիմ Քարդաշյանի կասկածներին՝ 1969 թվականին Լուսնի վրա ամերիկացիների վայրէջքի վերաբերյալ: Այս մասին գրում է «The Guardian»-ը:

«Այո, Քիմ Քարդաշյան, մենք եղել ենք Լուսնի վրա... Վեց անգամ։ Եվ ավելին, ՆԱՍԱ-ի «Արտեմիս» ծրագիրը վերադառնում է ԱՄՆ նախագահի ղեկավարությամբ։ Մենք հաղթել ենք նախորդ տիեզերական մրցավազքում և կհաղթենք նաև այս մեկում», - գրել է NASA-ի տնօրենի պաշտոնակատարը։

«Քարդաշյանների ընտանիքը» ռեալիթի շոուի նոր թողարկման նկարահանումների ժամանակ Քարդաշյանը կասկած է հայտնել, որ ամերիկացիները իրականում վայրէջք են կատարել Լուսնի վրա։ Նա մեջբերել է ամերիկացի տիեզերագնաց Բազ Օլդրինի այն պնդումները, որ Լուսնի վրա վայրէջքի կադրերը իրականում կեղծված են եղել։