ԱՄՆ-ն պլանավորում է հարվածել Վենեսուելայի ռազմական օբյեկտներին․ WSJ

ԱՄՆ նախագահ Դոնալդ Թրամփի վարչակազմն ընտրել է հնարավոր օբյեկտներ Վենեսուելայում, որոնց վրա կարող են հարվածներ հասցվել թմրանյութերի ապօրինի շրջանառության դեմ պայքարի շրջանակներում, դրանց թվում են նավահանգիստներն ու օդանավակայանները, որոնք գտնվում են տեղի զինված ուժերի վերահսկողության տակ, գրում է Wall Street Journal թերթը՝ վկայակոչելով ամերիկացի անանուն պաշտոնյաների:

«Թրամփի վարչակազմը որոշել է թիրախներ Վենեսուելայում, այդ թվում ՝ ռազմական օբյեկտներ, որոնք օգտագործվում են թմրանյութերի մաքսանենգության համար», - նշվում է թերթում։

Միևնույն ժամանակ թերթը նշում է, որ Թրամփը դեռևս վերջնական որոշում չի կայացրել հարվածների վերաբերյալ։