«Տաշիր կապիտալը» հոսանքի սակագնի իջեցման համար կրկին դիմեց ՀԾԿՀ

«Տաշիր Կապիտալ»-ն այսօր դիմում մուտքագրեց ՀԾԿՀ՝ հոսանքի սակագինը նվազեցնելու համար։ «Հանձնաժողովը նախորդ դիմումը մերժել էր՝ պատճառաբանելով, թե որպես հիմք ընդունված է եղել 6-ամսյա հաշվարկը։ Այսօր ներկայացված դիմումում հիմք է ընդունվել գրեթե 1 տարվա հաշվարկը։ Կրկին անգամ խնդրեցինք իջեցնել սակագինը»,- լրագրողների հետ զրույցում հայտնեց փաստաբանը՝ նշելով, որ բոլոր տեխնիկական պահանջները կատարվել, են, որպեսզի հանձնաժողովը չընդունելու պատճառաբանություն չունենա։
«Հուսանք սակագինը կիջնի, սպասելիքները դրական են»,- ասաց նա։
«Մեր ձևով» շարժման համակարգող Նարեկ Կարապետյանը ֆեյսբուքյան էջում գրել է․ «Եկեք ներկայացնեմ, թե ինչպես սակագինը բնակչության համար կարող է իջնել 3 դրամ (հիշենք, որ սա առաջարկել ենք մինչև քաղաքական պրոցեսներում հայտնվելը):
2024թ-ին ունեցել ենք էլ էներգիայի մուտք մոտ 5մլրդ կվտ, որից՝ բնակչության գծով մուտքը՝ 2.130 մլրդ կվտ:
Չնայած Քպ-ական կառավարիչ նշանակելուց հետո կորուստների շեշտակի աճ կա, հին իներցիայի շնորհիվ այս պահին կա 6 մլրդ դրամի ավելացած գումար Հէցում:
Իջեցնում ենք միայն բնակչության համար սահմանված սակագինը, և էլ.էներգիայի սակագինը իջնում է շուրջ 3 դրամով»: