Հայտնաբերվել է անհետ կորած ադրբեջանցի գործարարի մարմինը

Սվերդլովսկի մարզում հայտնաբերվել է 49-ամյա ադրբեջանցի գործարար Իլգար Խանադանովի դին, որը համարվել էր անհետ կորած հոկտեմբերի 24-ից։ Այս մասին հաղորդում է E1.RU-ն։

Նշվում է, որ անհետանալուց առաջ ինչ-որ մեկը զանգահարել է նրան, նա բարձր տոնով խոսել է զրուցակցի հետ։ Հաջորդ օրը անտառում հայտնաբերվել է նրա Mercedes մակնիշի ավտոմեքենան ՝ արյան հետքերով։

Հարուցվել է քրեական գործ, ուսումնասիրվում է հնարավոր հանցավոր տարբերակը։