Թրամփը 10%-ով կրճատել է Չինաստանից ներմուծվող ապրանքների մաքսատուրքերը

ԱՄՆ-ն կնվազեցնի ֆենտանիլի պատճառով չինական ապրանքների համար սահմանված մաքսատուրքերը 20%-ից դարձնելով10%։ Այս մասին հայտարարել է ԱՄՆ նախագահ Դոնալդ Թրամփը Չինաստանի նախագահ Սի Ցզինպինի հետ հանդիպումից հետո։

«Ես մաքսատուրքը կրճատել եմ 10%-ով, և այն ուժի մեջ է մտնում անմիջապես՝ 20%-ի փոխարեն 10%», - ասել է ԱՄՆ նախագահը։

Թրամփը նշել է, որ այդպիսով ԱՄՆ ներմուծվող չինական ապրանքների մաքսատուրքը 57%-ից նվազել է մինչև 47%։

ԱՄՆ նախագահ Դոնալդ Թրամփը և Չինաստանի նախագահ Սի Ցզինպինը հանդիպել են հոկտեմբերի 29-ին Հարավային Կորեայի Բուսան քաղաքում։