Ձերբակալվել է Լուվրի թանգարանի կողոպուտի գործով 3-րդ կասկածյալը

Փարիզի շրջանում ձերբակալվել է Լուվրի կողոպուտի գործով երրորդ կասկածյալը, հաղորդում է BFMTV հեռուստաալիքը:

«Լուվրի կողոպուտի գործով երրորդ կասկածյալը ձերբակալվել է չորեքշաբթի երեկոյան Փարիզի արվարձանում և հոկտեմբերի 30-ի դրությամբ գտնվում է կալանքի տակ», - հայտնում է հեռուստաալիքը:

Ավելի վաղ Փարիզի ոստիկանությունը ձերբակալել էր կողոպուտի մեջ կասկածվող երկու անձանց։ Ինչպես հայտնում է Reuters-ը ձերբակալված երկու անձիք «մասամբ խոստովանել» են իրենց մասնակցությունը կատարված գողությանը, սակայն թանկարժեք իրերը դեռևս անհետ կորած են։

Լուվրի կողոպուտը տեղի է ունեցել հոկտեմբերի 19-ին․ հանցագործները Նապոլեոնի և նրա կնոջ հավաքածուից գողացել էին ինը ցուցանմուշ։