Ղազախստանում սպանվել է Տոկաևի նախկին խորհրդականը

Աստանայում սպանվել է նախագահ Կասիմ-Ժոմարտ Տոկաևի նախկին խորհրդական, նախագահին կից գործող «Կենտրոնական հաղորդակցությունների ծառայության» նախկին ղեկավար՝ Երժան Բաբակումարովը։ Կասկածյալը ձերբակալվել է, ընթանում է նախաքննություն։

Նախնական տվյալներով, մահվան պատճառը ծեծն է եղել։

Երժան Բաբակումարովը տարբեր տարիներին ղեկավար պաշտոններ է զբաղեցրել տեղեկատվության նախարարությունում, Ալմաթիի քաղաքապետարանում, վարչապետի գրասենյակում և նախագահի աշխատակազմում: