Պակիստանն ստացել է ամերիկյան հում նավթի առաջին խմբաքանակը

Պակիստանն ստացել է ամերիկյան հում նավթի առաջին խմբաքանակը, որը ժամանել է Սերգիիկոյի ծովային տերմինալ՝ բացելով նոր գլուխ Իսլամաբադի և Վաշինգթոնի միջև առևտրային հարաբերություններում, գրում է պակիստանյան «Դոն» թերթը։

Բեռը ժամանել է «Սուեզմաքս» MT Pegasus նավով և կանգ է առել Սերգիիկոյի նավահանգստում, որը գտնվում է Բելուջիստանի ափին։

Օգոստոսին հաղորդվել էր, որ Սերգիիկոն այս ամիս կներմուծի 1 միլիոն բարել «Վիտոլ» հում նավթ։

«Պակիստանի կողմից ամերիկյան հում նավթի առաջին խմբաքանակի ժամանումը նշանակալի իրադարձություն է երկրի էներգետիկ ոլորտի և Սերգիիկոյի համար», - «Դոն»-ին ասել է Սերգիիկոյի փոխնախագահ Ուսամա Քուրեշին։ «Այս առաջին խմբաքանակին կհաջորդի մեկ այլ խմբաքանակ նոյեմբերի կեսերին և երրորդը՝ 2026 թվականի հունվարին։ Միասին, այս երեք բեռները, կանխատեսվում է, որ կբարելավեն Պակիստանի առևտրային հաշվեկշիռը Միացյալ Նահանգների հետ մոտ 200 միլիոն դոլարով»։