Ադրբեջանական ծագումով գեներալ Միրզա Միրզոևին Ռոստովում դատապարտեցին 9 տարվա ազատազրկման

Ռուսաստանի Ազգային գվարդիայի լոգիստիկայի նախկին տեղակալ, ադրբեջանական ծագումով գեներալ Միրզա Միրզոևի քրեական դատավարությունն ավարտվել է։

Ռոստովի կայազորի ռազմական դատարանը նրան դատապարտել է 9 տարվա ազատազրկման խիստ ռեժիմի գաղութում՝ մեղավոր ճանաչելով շորթման և առանձնապես խոշոր չափերի կաշառակերության համար։

53-ամյա Միրզա Միրզոևը ձերբակալվել է 2024 թվականի նոյեմբերին։

Քննիչների տվյալներով՝ 2023 թվականին նա 140 միլիոն ռուբլի կաշառք է ստացել պահեստային շինարարական մոդուլներ արտադրող ընկերության ղեկավարությունից։

Աշխատանքի արժեքը կազմել է 479,9 միլիոն ռուբլի, և կաշառքի դիմաց Միրզոևն առաջարկել է ավելացնել պայմանագրի գումարը։

Քրեական գործը հիմնված է «Պեգաս-Էկո» ՍՊԸ-ի գործադիր տնօրեն Էրկին Զախիդովի ցուցմունքների վրա։

Միրզա Միրզաևը (ամբողջական անունը՝ Միրզա Մաիս օղլու Միրզաև) ծնվել է 1972 թվականի մայիսի 26-ին։

Նախկինում լրատվամիջոցները Միրզա Միրզաևին անվանում էին «Ռուսաստանի Ազգային գվարդիայի ամենահարուստ գեներալը». հետաքննությունների համաձայն, նա ուներ մի քանի թանկարժեք մեքենաներ և անշարժ գույք, որոնց արժեքը հարյուր միլիոնավոր ռուբլի էր։