Ստամբուլում Պակիստանի և Աֆղանստանի միջև բանակցություններն ավարտվել են անարդյունք

Աֆղանստանի և Պակիստանի միջև Ստամբուլում երկարաժամկետ զինադադարի շուրջ բանակցություններն ավարտվել են առանց որևէ արդյունքի, հայտնում է Reuters-ը՝ հղում կատարելով թեմային ծանոթ երկու աղբյուրներին։

Երկու կողմերն էլ հոկտեմբերի 19-ին Դոհայում համաձայնվել էին հրադադար հաստատել, սակայն չեն կարողացել համաձայնության գալ Ստամբուլում՝ Թուրքիայի և Կատարի միջնորդությամբ բանակցությունների երկրորդ փուլում։