ԱՄՆ-ն կարող է հարվածել Վենեսուելայում կոկաինի արտադրության օբյեկտներին․ #CNN

ԱՄՆ նախագահ Դոնալդ Թրամփը դիտարկում է Վենեսուելայում կոկաինի արտադրության օբյեկտներին հարվածներ հասցնելու ծրագիրը, հաղորդում է CNN-ը՝ հղում կատարելով ամերիկացի պաշտոնյաներին։
Հեռուստաալիքի տվյալներով՝ վերջնական որոշում դեռևս չի կայացվել։

Ավելի վաղ Թրամփը լրագրողների հետ զրույցում հաստատել էր New York Times-ի հրապարակումն այն մասին, որ Սպիտակ տունը լիազորել է ԿՀՎ-ին գաղտնի գործողություններ իրականացնել Վենեսուելայում։ Վենեսուելայի կառավարությունը դատապարտել էր ԱՄՆ նախագահի հայտարարությունը՝ այն անվանելով «միջազգային իրավունքի կոպիտ խախտում»։