Երևան`   +20 °C
Այսօր`   Կիրակի, 06 սեպտեմբերի, 2026 թ.

«Ադրբեջանից ՀՀ մտնող երկաթուղիները քանդել, վաճառել են»․ Թաթուլ Հակոբյան

321
Հինգշաբթի, 23 հոկտեմբերի, 2025 թ., 16:48
«Ադրբեջանից ՀՀ մտնող երկաթուղիները քանդել, վաճառել են»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Իմ այս գրությունը այն մասին չէ՝ ճիշտ է՞ Ադրբեջանի տարածքով ղազախական ցորեն ներկրել Հայաստան, թե՞ ոչ և դրա դիմաց ի՞նչ է ակնկալում Բաքուն:
Իմ այս գրությունն այն մասին է, որ մեր ժողովրդի մի մեծ հատված տեղյակ չէ, որ Ադրբեջանից Հայաստան մտնող ԲՈԼՈՐ երկաթուղիները քանդել-ապամոնտաժել-վաճառել են:
Հորադիսից մինչև Նախիջևան հատվածը, որի 45 կիլոմետրը անցնում էր ՀՀ տարածքով, քանդել-ապամոնտաժել-վաճառել են:
Զանգելան-Կապան հատվածը, որով Երևանը կապվում էր Կապանի հետ, քանդել-ապամոնտաժել-վաճառել են:
Իջևան-Բաքու հատվածի հայկական մասը, ոչ ամբողջությամբ, քանդել-ապամոնտաժել-վաճառել են:
Ու գիտե՞ք, եթե մենք չքանդեինք երկաթուղագծերը, ապա 1994 թվականից մինչև վերջին պատերազմը կարող էինք Մեղրին, հայ-իրանական սահմանը երկաթուղով կապել Կապանի հետ:
Սա է մեր ձեռագիրը:
Թե բա Թիֆլիսն ու Բաքուն մենք են կառուցել»:

Աղբյուրը`   Թաթուլ Հակոբյան