«WSJ-ի՝ Ուկրաինայի կողմից որոշ հեռահար հրթիռների օգտագործման սահմանափակումների վերացման մասին հոդվածը կեղծ է»․ Թրամփ

ԱՄՆ նախագահ Դոնալդ Թրամփը հայտարարել է, որ The Wall Street Journal-ի հրապարակումը, թե ԱՄՆ-ն վերացրել է Կիևի կողմից Ռուսաստանի խորքին հարվածներ հասցնելու համար որոշակի հրթիռների օգտագործման վրա դրված կարևոր սահմանափակումը, իրականությանը չի համապատասխանում։
«Սա կեղծ լուր է։ ԱՄՆ-ն ոչ մի կապ չունի այս հրթիռների հետ, անկախ նրանից, թե որտեղից են դրանք գալիս, կամ ինչ է անում Ուկրաինան դրանցով», - գրել է Թրամփը TruthSocial-ում։

Ավելի վաղ թերթը՝ հղում անելով ԱՄՆ պաշտոնյաներին, հայտնել էր, որ Սպիտակ տունը վերացրել է Ուկրաինայի կողմից հեռահար հրթիռների օգտագործման սահմանափակումները։