ԱՄՆ-ն վերացրել է Ուկրաինայի կողմից որոշ հեռահար հրթիռների օգտագործման սահմանափակումները

ԱՄՆ-ի կառավարությունը վերացրել է Կիևի կողմից արևմտյան երկրների տրամադրված որոշ հեռահար հրթիռների օգտագործման վրա դրված հիմնական սահմանափակումը, չորեքշաբթի օրը հաղորդել է The Wall Street Journal-ը՝ հղում անելով աղբյուրներին։

«Սա թույլ է տալիս Կիևին սրել Ռուսաստանում գտնվող թիրախների վրա հարձակումները»,- նշել է աղբյուրը։

Աղբյուրների համաձայն՝ այս որոշումը կայացվել է ԱՄՆ-ի նախագահ Դոնալդ Թրամփի և Ուկրաինայի նախագահ Վլադիմիր Զելենսկու միջև անցյալ շաբաթ կայացած հանդիպումից առաջ, սակայն լրագրողները դրա մասին միայն հիմա են իմացել։