Ֆրանսիայում ևս մեկ թանգարան է թալանվել

Լուվրի կողոպուտից ընդամենը մի քանի ժամ անց անհայտ անձինք արժեքավոր ցուցանմուշներ են գողացել Լանգրե քաղաքի Դենի Դիդրոյի թանգարանից, հաղորդում է France Info ռադիոկայանը՝ վկայակոչելով քաղաքապետարանի հայտարարությունը։
Նշվում է, որ անհետացած «գանձը» 18-ից 19-րդ դարերի ոսկե և արծաթե մետաղադրամների հավաքածու է։
Հիշեցնենք, որ Լուվրի կողոպուտը տեղի է ունեցել հոկտեմբերի 19-ին․ հանցագործները Նապոլեոնի և նրա կնոջ հավաքածուից գողացել էին ինը ցուցանմուշ։