«Ադրբեջանը վերացրել է դեպի Հայաստան բեռների տարանցման բոլոր սահմանափակումները». Ալիև

Ադրբեջանը վերացրել է դեպի Հայաստան բեռների տարանցման բոլոր սահմանափակումները, որոնք գոյություն ունեին: Այս մասին հայտարարել է Ադրբեջանի նախագահ Իլհամ Ալիևը՝ Ղազախստանի նախագահ Կասիմ-Ժոմարտ Տոկաևի հետ ասուլիսում։ «Կարծում եմ, որ սա նաև լավ ցուցիչ է, որ Ադրբեջանի և Հայաստանի միջև խաղաղությունը ոչ միայն թղթի վրա է, այլև գործնական փուլում է»,- հավելել է նա:

Ավելի ուշ ֆեյսբուքյան իր էջում գրառում է կատարել ՀՀ էկոնոմիկայի նախարար Գևորգ Պապոյանը՝ նշելով հետևյալը. «Շուտով Ակտաու-Բաքու, այնուհետև ադրբեջանական ու վրացական երկաթգծով Հայաստան կմտնի ղազախական ցորենի առաջին խմբաքանակը։ Խաղաղությունը հաստատված է»: