Զելենսկին ժամանել է Վաշինգթոն

Ուկրաինայի նախագահ Վլադիմիր Զելենսկին հոկտեմբերի 16-ի երեկոյան ժամանել է Վաշինգթոն։ Զելենսկին Telegram-ի իր ալիքում գրել է, որ առաջիկա ժամերին մտադիր է հանդիպել ամերիկյան պաշտպանական ընկերությունների ներկայացուցիչների հետ և նրանց հետ քննարկել, մասնավորապես, հակաօդային պաշտպանության միջոցների լրացուցիչ մատակարարումները: Դրանից հետո Ուկրաինայի նախագահը հանդիպում կունենա նաև ամերիկյան էներգետիկ ընկերությունների ներկայացուցիչների հետ:
Զելենսկին հոկտեմբերի 17-ին՝ Երևանի ժամանակով երեկոյան ժամը 21։00-ին կհանդիպի ԱՄՆ նախագահ Դոնալդ Թրամփի հետ՝ քննարկելու «Tomahawk» հրթիռների հնարավոր մատակարարումը։ «Հուսով ենք, որ ահաբեկչության և պատերազմի զսպման խթանը, որն արդյունավետ է եղել Մերձավոր Արևելքում, կօգնի ավարտել Ուկրաինայի դեմ Ռուսաստանի պատերազմը»,- գրել Է Ուկրաինայի նախագահը՝ նկատի ունենալով Թրամփի մասնակցությամբ ձեռք բերված հրադադարի մասին համաձայնությունը Գազայի հատվածում ։
Ավելի վաղ հոկտեմբերի 16-ի երեկոյան Թրամփը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Հակամարտության համատեքստում կողմերը քննարկել են նաև Ուկրաինային հեռահար հրթիռների մատակարարման հարցը։
Զրույցի ընթացքում Ռուսաստանի նախագահն ընդգծել է, որ Ուկրաինա այդ հրթիռների հնարավոր տեղափոխումը չի ազդի առաջնագծում տիրող իրավիճակի վրա, այլ միայն կհանգեցնի Ռուսաստանի և ԱՄՆ-ի միջև հարաբերությունների վատթարացմանը:
Հեռախոսազրույցից հետո Պուտինը և Թրամփը համաձայնել են հանդիպել Բուդապեշտում։