«Թուրքիայի ԶՈՒ-ն պատրաստ է մասնակցել Գազայի հարցով օպերատիվ աշխատանքներին»․ Յաշար Գյուլեր

Թուրքիայի պաշտպանության նախարար Յաշար Գյուլերը հայտարարել է, որ Թուրքիայի զինված ուժերը պատրաստ են մասնակցել Գազայում ստեղծվող բազմազգ աշխատանքային խմբի առաքելությանը։
«Մենք նաև մեր գոհունակությունն ենք հայտնել Գազայում հրադադարի և այն փաստի կապակցությամբ, որ այն սկիզբ դրեց երկու պետությունների ստեղծման սկզբունքի հիման վրա արդար հանգուցալուծմանը։ Մենք ընդգծել ենք հրադադարի լիարժեք պահպանման և մարդասիրական օգնության անխափան մատակարարման կարևորությունը», - ասել է նախարարը Բրյուսելում, որտեղ նա մասնակցում է ՆԱՏՕ-ի պաշտպանության նախարարների հանդիպմանը։