ԱՄՆ-ի Կենտրոնական հրամանատարությունը ՀԱՄԱՍ-ից պահանջել է դադարեցնել կրակոցները խաղաղա բնակիչների ուղղությամբ

ԱՄՆ-ի Կենտրոնական հրամանատարության (CENTCOM) հրամանատար Բրեդ Քուփերը կոչ արեց պաղեստինյան ՀԱՄԱՍ շարժմանը՝ դադարեցնել Գազայի հատվածում խաղաղ բնակիչների վրա կրակոցները։
«Մենք կոչ ենք անում ՀԱՄԱՍ-ին անհապաղ դադարեցնել բռնությունը և կրակոցները Գազայի հատվածում՝ ինչպես ՀԱՄԱՍ-ի կողմից վերահսկվող տարածքներում, այնպես էլ Դեղին գծից այն կողմ գտնվող՝ Իսրայելի վերահսկողության տակ գտնվող տարածքներում»,- ասվում է Քուփերի հայտարարության մեջ։

CENTCOM-ի ղեկավարը կոչ է արել պաղեստինյան շարժմանը՝ օգտվել խաղաղության այս պատմական հնարավորությունից և վայր դնել զենքերը։

Նախորդ օրը ԱՄՆ-ի նախագահ Դոնալդ Թրամփը զգուշացրեց, որ Վաշինգթոնը կդիմի հարկադրանքի միջոցների, եթե ՀԱՄԱՍ-ը հրաժարվի կամավոր կերպով զինաթափվել։