Թրամփը կարծում է, որ բոլոր երկրները դուրս կգան BRICS-ից՝ ԱՄՆ մաքսատուրքերի պատճառով

ԱՄՆ նախագահ Դոնալդ Թրամփը կարծում է, որ BRICS-ի երկրների նկատմամբ մաքսատուրքեր սահմանելու իր սպառնալիքներն ազդեցություն են ունեցել: Այս մասին նա հայտարարել է Սպիտակ տանը իր արգենտինացի գործընկեր Խավիեր Միլեյի հետ հանդիպման ժամանակ:
«Ես շատ ամուր դիրքորոշում ունեմ դոլարի հարցում, և յուրաքանչյուր ոք, ով ցանկանում է դոլարով գործարք կատարել, առավելություն ունի նրանց նկատմամբ, ովքեր չեն ցանկանում»,- նշել է Սպիտակ տան ղեկավարը։

Թրամփի խոսքով՝ BRICS-ի երկրները դոլարի վրա հարձակվելու քաղաքականություն են վարում։ «Ես ասացի, եթե ինչ-որ մեկը ցանկանում է լինել BRICS-ում, դա նորմալ է, բայց մենք ձեր երկրի նկատմամբ մաքսատուրքեր կսահմանենք, և բոլորը հեռանում են»,- հավելել է նա: