«Ցանկացած հակամարտության մեջ հաղթում են «արյան վաճառականները»». Էրդողան

Անկարան շարունակում է կապեր պահպանել Ռուսաստանի և Ուկրաինայի հետ՝ ձգտելով վերջ դնել հակամարտությանը և վարելով հավասարակշռության քաղաքականություն, հայտարարել է Թուրքիայի նախագահ Ռեջեփ Թայիփ Էրդողանը։ Նա շեշտել է, որ ընթանում է Ռուսաստանի և Ուկրաինայի միջև պատերազմի չորրորդ տարին է։ «Այս արյունալի պատերազմը, որը ժամանակ առ ժամանակ սրվում է, մտահոգություն է առաջացնում ամբողջ աշխարհում։ Թուրքիան վարում է հավասարակշռված և արդարացի քաղաքականություն։ Մենք կապի մեջ ենք երկու երկրների հետ՝ հակամարտությունը վերջ դնելու և խաղաղություն հաստատելու համար»,- ասել է նա Տրապիզոնում ունեցած ելույթի ժամանակ։

Էրդողանը ընդգծել է, որ Թուրքիան հատուկ նշանակություն է տալիս Սև ծովի անվտանգությանը, որտեղ նավագնացությունը «սպառնալիքի տակ չէ»։ Նախագահը հավելել է, որ «ցանկացած պատերազմում արյան վաճառականները հաղթանակ են տանում, իսկ ռազմական բարոնների հարստությունն աճում է»։