Փարիզի Աստվածամոր տաճարում հայտնաբերվել է ահաբեկչական հարձակման մասին նախազգուշացնող նամակ

Ուրբաթ օրը Փարիզի Աստվածամոր տաճարի տարածքում հայտնաբերվել է նամակ, որում նախազգուշացվում էր այս շաբաթվա վերջին (հոկտեմբերի 11-ին և 12-ին) ահաբեկչական հարձակման վտանգի մասին, հաղորդում է Le Figaro-ն՝ հղում անելով ոստիկանության աղբյուրներին։

Նամակում նշվում էր, որ օտարերկրյա քաղաքացիները «վերջին օրերին տաճարում թաքցրել են դանակներ» և «մտադրվել են կոտորած իրականացնել»․ հաղորդում է հրատարակությունը՝ հղում անելով ոստիկանությանը: Իրավապահ մարմինները նույն օրը խուզարկություններ են անցկացրել տաճարում և զենք չեն հայտնաբերել։

Տաճարը հոկտեմբերի 11-ին և 12-ին բաց է մնալու այցելուների համար։