«Հրադադարի մասին կհայտարարվի այսօր». Գազայում ՀԱՄԱՍ-ի առաջնորդ

Գազայի հատվածում պաղեստինյան ՀԱՄԱՍ շարժման ղեկավար Խալիլ ալ-Հայյան հայտարարել է, որ Գազայի հատվածում միջնորդությամբ բանակցված հրադադարն ուժի մեջ կմտնի այսօր, հաղորդում է Reuters-ը: ՀԱՄԱՍ-ի խոսնակի խոսքով՝ խմբավորումը երաշխիքներ է ստացել արաբ միջնորդներից, Թուրքիայից և ԱՄՆ-ի վարչակազմից, որը պատասխանատու է համաձայնագրի մոնիթորինգի համար: Նրա հայտարարությունները դեռևս չեն հաստատվել ո՛չ Իսրայելի, ո՛չ էլ միջնորդների կողմից:

ԱՄՆ-ի նախագահ Դոնալդ Թրամփը հինգշաբթի երեկոյան հայտարարեց, որ կողմերը համաձայնության են եկել Գազայում հրադադարի վերաբերյալ: Նա ասել է, որ ՀԱՄԱՍ-ի զինյալների կողմից պատանդները պետք է ազատ արձակվեն երկուշաբթի կամ երեքշաբթի օրը:

Իսրայելի կառավարության խոսնակը հայտարարել է, որ հրադադարի մասին համաձայնագիրն ուժի մեջ կմտնի Իսրայելի կաբինետի նիստից հետո 24 ժամվա ընթացքում: Այս 24-ժամյա ժամանակահատվածից հետո Գազայում պահվող պատանդները կազատ արձակվեն հաջորդ 72 ժամվա ընթացքում: Reuters-ի փոխանցմամբ՝ կաբինետի նիստը նախատեսված էր հոկտեմբերի 9-ին: