«Թրամփն արժանի է խաղաղության Նոբելյան մրցանակին». Եգիպտոսի նախագահ

Եգիպտոսի նախագահ Աբդել Ֆաթթահ ալ-Սիսին, խոսելով իր ամերիկացի գործընկեր Դոնալդ Թրամփի հետ, կարծիք է հայտնել, որ ԱՄՆ-ի նախագահն արժանի է Նոբելյան խաղաղության մրցանակին։
Ըստ ալ-Սիսիի գրասենյակի հայտարարության՝ Եգիպտոսի առաջնորդը հինգշաբթի օրը հեռախոսազրույց է ունեցել Թրամփի հետ, որի ընթացքում նշել է, որ Գազայի հատվածում հրադադարի համաձայնագիրը պատմական իրադարձություն է, որը հնարավոր է դարձել ամերիկացի նախագահի նվիրվածության և ջանքերի շնորհիվ։