Արծաթի գինը հասել է նոր պատմական առավելագույնի

Հինգշաբթի օրը Comex բորսայում դեկտեմբերյան մատակարարման արծաթի ֆյուչերսները բարձրացել են 1.97%-ով՝ հասնելով 49.965 դոլարի մեկ ունցիայի համար։ RBC-ի փոխանցմամբ՝ սա հաստատվել է Երևանի ժամանակով ժամը 17:10-ի դրությամբ առևտրի տվյալներով։
Արծաթի գինը հասել է նոր պատմական առավելագույնի՝ գերազանցելով 2011 թվականի ապրիլի 25-ին սահմանված ռեկորդը, երբ մետաղը վաճառվում էր 49.82 դոլարով մեկ ունցիայի համար։

Մասնագետները՝ որպես աճի հիմնական շարժիչ ուժ նշում են երկարատև կառուցվածքային դեֆիցիտը։ Վերջին 12 ամիսների ընթացքում արծաթը թանկացել է գրեթե 50%-ով։ Իրենց բազային սցենարում ռուսական Finam ներդրումային հոլդինգային ընկերության վերլուծաբանները կանխատեսում են, որ մետաղը 2025 թվականի չորրորդ եռամսյակում կվաճառվի 44.7-49.8 դոլարի սահմաններում մեկ ունցիայի համար, հնարավոր է հետագա աճ։ Եթե գինը ճեղքի այս միջանցքը և ամրապնդվի վերևում, այն կարող է հասնել 55 դոլարի մեկ ունցիայի համար, կարծում է Finam-ի փորձագետ Նիկոլայ Դուդչենկոն։