«Ուկրաինան ավելի բարդ է, քան Պաղեստինը». Թրամփ 

ԱՄՆ-ի նախագահ Դոնալդ Թրամփը հայտարարել է, որ Ռուսաստան-Ուկրաինա պատերազմի ավարտը կարող է ավելի դժվար լինել, քան Մերձավոր Արևելքում պաղեստինա-իսրայելական հակամարտության լուծումը: Նա այս մասին լրագրողներին ասել է Սպիտակ տանը Կանադայի վարչապետ Մարկ Քարնիի հետ հանդիպումից առաջ:
«Ես կարծում էի, որ դա հեշտ կլինի լուծել, բայց պարզվեց, որ այն կարող է ավելի դժվար լինել, քան Մերձավոր Արևելքը: Կտեսնենք, թե ինչ կլինի Մերձավոր Արևելքում», - ասել է Թրամփը:

Ամերիկացի առաջնորդը նաև նշել է, որ լավ հարաբերություններ ունի Ռուսաստանի նախագահ Վլադիմիր Պուտինի հետ, բայց հիմա հիասթափված է նրանից:

Ավելի վաղ Թրամփը հայտարարել էր, որ Իսրայելը և պաղեստինյան ՀԱՄԱՍ շարժումը, բանակցելով երրորդ կողմերի հետ, ավելի մոտ են, քան երբևէ, համաձայնության հասնելուն՝ հիմնվելով իր առաջարկած խաղաղության ծրագրի վրա: Նա վստահություն է հայտնել, որ միջնորդները կկարողանան համոզել կողմերին հասնել փոխադարձաբար ընդունելի փոխզիջման:

Հիշեցնենք, որ Գազայի հատվածում հրադադարի վերաբերյալ բանակցությունները տեղի են ունենում Եգիպտոսի Շարմ էլ Շեյխ հանգստավայրում: