«Այս անբարոյականները մեր ծնողներից երկուսին տանում են Աջափնյակի դատարան». զոհվածի հայր

Զոհված զինծառայող Դավիթ Ուզունյանի հայրը՝ Բագրատ Ուզունյանը, քիչ առաջ լրագրողների հետ զրույցում հայտնեց, որ պատրաստվում են գնալ Աջափնյակի դատարան: «Այս անբարոյականները մեր ծնողներից երկուսին՝ Արսեն Ղուկասյանին և Ապիջան Սարգսյանին տարել են, հիմա տեղափոխում են այնտեղ: Պատճառն այն է, որ մի քանի օր առաջ ՊՆ-ի դիմաց ակցիա կազմակերպեցինք անհետ կորածների ճակատագրի պարզաբանման պահանջով, դրանից հետո անհիմն մեղադրանքով տարան»,- ասաց նա: