«Հայաստանի ոչ մի պաշտոնյա չի շնորհավորել ազգային փոքրամասնությունների օրը». Էդգար Ղազարյան

Հայաստանի ոչ մի պաշտոնյան, ո՛չ Հանրապետության նախագահը, ո՛չ ՀՀ վարչապետը, ո՛չ Ազգային ժողովի նախագահը, ո՛չ Մարդու իրավունքների պաշտպանը ոչ մի ուղերձով, ոչ մի խոսքով չեն շնորհավորել և չեն հիշատակել 2021 թվականի «Տոների և հիշատակի օրերի մասին» ՀՀ օրենքով, այսօր, հոկտեմբերի 5-ին նշվող Հայաստանի Հանրապետության ազգային փոքրամասնությունների օրը։ Նրանց համար ոչ մի արժեք չունեն Հայաստանում ապրող եզդիները, քրդերը, ասորիները, ռուսները, հույները, ուկրաինացիները, լեհերը և այլն ազգային փոքրամասնությունները։ Նրանց համար արժեք չունեն անգամ հայերը։ Նրանք տարված են ու սիրահարված միայն թուրքերով ու ադրբեջանցիներով, ապրում են նրանց շահերով և երազում են նրանց տեսնել Հայաստանում, այն էլ ոչ թե ազգային փոքրամասնության, այլ մեծամասնության կարգավիճակում։