Վրացական ընդդիմության կողմնակիցները կրկին փակել են Թբիլիսիի Ռուսթավելի պողոտան

Վրացական լրատվամիջոցները հաղորդում են, որ ընդդիմության կողմնակիցները կրկին փակել են Թբիլիսիի Ռուսթավելի պողոտան՝ Վրաստանի խորհրդարանի մոտ։

Շենքի դիմաց հերթապահություն են իրականացնում հատուկ նշանակության ուժերը։

Երեկվա իրադարձություններից և նախագահական պալատի վրա հարձակում գործելու փորձից հետո Վրաստանի Ներքին գործերի նախարարությունը հայտարարել է, որ «այսօր և առաջիկա օրերին կայանալիք ցանկացած բողոքի ցույց կհամարվի երեկվա իրադարձությունների շարունակություն, և կձեռնարկվեն համապատասխան միջոցներ»։

Նախկին նախագահ Սալոմե Զուրաբիշվիլին հայտարարել է, որ այսօր բոլորը պետք է հավաքվեն Ռուսթավելի հրապարակում։ Նա կոչ է արել բոլոր նրանց, ովքեր պաշտպանում են եվրոպամետ դիրքորոշումը, բողոքի ցույցեր անցկացնել առանց դիմելու ապակառուցողական մեթոդների կամ հակասահմանադրական ուղիներ ընտրելու.