«Լեհաստանը բազմաթիվ սխալներ է թույլ տվել Երկրորդ համաշխարհային պատերազմից առաջ». Պուտին

Լեհաստանը բազմաթիվ սխալներ է թույլ տվել Երկրորդ համաշխարհային պատերազմից առաջ, և դրա արդյունքում առաջինն է ընկել նացիստական ​​ագրեսիայի տակ, հայտարարել է Ռուսաստանի նախագահ Վլադիմիր Պուտինը «Վալդայ» միջազգային քննարկման ակումբի նիստում։
«Լեհաստանը բազմաթիվ սխալներ է թույլ տվել Երկրորդ համաշխարհային պատերազմից առաջ, չէ որ Գերմանիան նրանց առաջարկել է Դանցիգի և Դանցիգի միջանցքի հարցի խաղաղ լուծում։ Այդ ժամանակվա լեհական ղեկավարությունը կտրականապես մերժել է, և, ի վերջո, Լեհաստանն առաջինն է ընկել նացիստական ​​ագրեսիայի տակ»,- ասել է Պուտինը։
«Վալդայ» միջազգային քննարկման ակումբը քաղաքագիտության, տնտեսագիտության, պատմության և միջազգային հարաբերությունների առաջատար արտասահմանյան և ռուս փորձագետների միավորում է։ Ակումբը հիմնադրվել է 2004 թվականին։ Այն իր անունը ստացել է իր առաջին համաժողովի վայրից, որը տեղի է ունեցել Վելիկի Նովգորոդում՝ Վալդայ լճի մոտ։