Լեհաստանը F-35 կործանիչների համար գնում է ամերիկյան AMRAAM հրթիռներ

Լեհաստանի պաշտպանության նախարարությունը հայտարարել է ամերիկյան AMRAAM հրթիռների գնման մասին։
Լեհաստանը F-35 կործանիչների համար գնում է ամերիկյան AMRAAM հրթիռներ, լրագրողներին ասել է Լեհաստանի ազգային պաշտպանության նախարար Վլադիսլավ Կոսինյակ-Կամիշը։
«Ես շատ կարևոր տեղեկատվություն ունեմ։ Այսօր մենք հաստատեցինք Լեհաստանի կողմից F-35 ինքնաթիռների համար նախատեսված օդ-օդ ռադարային կառավարվող հրթիռների՝ AMRAAM D-տարբերակի ամենաժամանակակից հրթիռների գնումը», - ասել է Կոսինյակ-Կամիշը։
Նա ընդգծել է, որ Վարշավան ձեռք է բերում «այս ինքնաթիռները և դրանց համար ամենաժամանակակից հրթիռները»։ Լեհաստանի պաշտպանության նախարարի խոսքով՝ Լեհաստանը միակ երկիրն է, որին Միացյալ Նահանգները վաճառում է նման հրթիռներ։ Կոսինյակ-Կամիշը չի նշել գնված հրթիռների քանակը կամ պայմանագրի արժեքը, բայց նշել է, որ գնումը կֆինանսավորվի Զինված ուժերի աջակցության հիմնադրամից։
Լեհաստանը վերջերս Միացյալ Նահանգներից գնել է 32 F-35 կործանիչ։ Դրանք դեռևս չեն մտել լեհական բանակի զինանոցի կազմ: