Չինաստանում բացվել է աշխարհի ամենաբարձր կամուրջը

Չինաստանում բացվել է 625 մետր բարձրությամբ կամուրջ, որը գրեթե 9 անգամ ավելի բարձր է, քան Սան Ֆրանցիսկոյի «Ոսկե դարպասներ» կամուրջը, հաղորդում է «Սինհուա»-ն։

Աշխարհի ամենաբարձր կամուրջը գտնվում է Գույչժոու նահանգում՝ Չինաստանի հարավ-արևմուտքում։ Այն կկրճատի Հուացզյան կիրճով ճանապարհորդության ժամանակը երկու ժամից մինչև երկու րոպեի։

Գործակալության հրապարակման համաձայն՝ կամուրջը բարձրանում է Գույչժոու լեռներում գտնվող Բեյպան գետի վրա՝ 1420 մետր հիմնական թռիչքով։

«Նոր կամուրջը, որը զգալիորեն կբարելավի տարածաշրջանային կապը, նշանակալի նախագիծ է, որը ցույց է տալիս Չինաստանի նորարարական ներուժը»,- ասել է նահանգային տրանսպորտային բյուրոյի ղեկավար Չժան Ինը։